Birləşmiş Ştatlar Böyük Britaniya və Fransa ilə nüvə arsenallarının azaldılması imkanlarını müzakirə etməyə hazırdır. Bu barədə ABŞ prezidenti Donald Tramp tərəfindən müdafiə nazirinin nüvə silahının qarşısının alınması, kimyəvi və bioloji müdafiə siyasəti və proqramlar üzrə köməkçisi vəzifəsinə namizədliyi irəli sürülən Robert Kadlec bildirib.
“Təsdiq olunarsa, mən fransalı və britaniyalı həmkarlarımla bu ideyanı müzakirə etməyə davam edəcəyəm ki, onların bu cür sazişlərdə iştirakının onların milli maraqlarına uyğun olub-olmadığını və bu cür razılaşmaların hazırda ABŞ-ın milli maraqlarına dəstək olub-olmadığını qiymətləndirmək olar”, – Kadlec əmin edib. O, gələcək silahlara nəzarət sazişlərinə Fransa və Böyük Britaniyanın daxil olub-olmaması ilə bağlı sualı cavablandırıb.
“Mən həmçinin digər NATO müttəfiqlərinə potensial təsirini də ölçüb-biçərdim”, – müdafiə katibinin köməkçisi vəzifəsinə namizəd vurğulayıb.
Kadlecin ABŞ qanunvericilərinin suallarına verdiyi yazılı cavablar onun namizədliyini nəzərdən keçirmək üçün Senatın Silahlı Qüvvələr Komitəsində dinləmələr üçün hazırlanıb. (Tass)