Bundestaqın (Almaniya parlamenti) Almaniya üçün Alternativ (AfD) partiyasından olan iki deputatı Şteffen Kotre və Rainer Rothfuss “əlaqələri gücləndirmək” üçün gələn həftə Rusiyaya səfər etməyi planlaşdırırlar. Bu barədə ARD telekanalı Bundestaq üzvlərinin səyahət planına istinadən məlumat yayıb.
ARD-nin verdiyi məlumata görə, AfD-nin daxili səyahət planında “parlament üzvləri üçün planlaşdırılan səyahət istiqamətlərinin siyahısı, o cümlədən Türkiyə, Qırğızıstan, ABŞ-a çoxsaylı səfərlər və Rusiyaya, yəni Soçiyə iki səfər daxildir”. Kanal aydınlaşdırır ki, “13-16 və 17 noyabr tarixlərində” Kotre və Rotfus BRİKS ölkələri və Avropanın simpoziumunda iştirak edəcək. Rothfussun orada təqdimatla çıxış edəcəyi gözlənilir.
ARD xəbər verir ki, daxili sənədə əsasən, səfər üçün 4,050 və 2,000 avro büdcə ayrılıb və bu, çox güman ki, Bundestaqdakı AfD parlament qrupu tərəfindən qarşılanacaq. Deputatların Rusiyaya səfərləri AfD parlament qrupu ilə razılaşdırılıb. ARD-ın məlumatına görə, beynəlxalq məsələlər üzrə işçi qrupunun sədri və AfD parlament qrupunun rəhbərinin müavini Stefan Keuter “Rusiya ilə əlaqələri yenidən canlandırmağın vaxtı gəldiyi üçün səfəri təsdiqləyib”. “ABŞ ilə son vaxtlar davam etdirdiyimiz intensiv əlaqələrdən sonra Rusiya ilə yaxşı əlaqələrimizi gücləndirmək indi vacibdir”, – o izah edib. (Tass)