Yaponiya və ABŞ gələn həftə xarici siyasət və iqtisadi idarələrin rəhbərləri arasında “iki üstəgəl iki” formatında danışıqlar aparacaq. Bu barədə TASS-ın müxbirinə Yaponiya Xarici İşlər Nazirliyinin nümayəndəsi məlumat verib.
Görüş noyabrın 14-də San-Fransiskoda APEC sammiti çərçivəsində baş tutacaq. Yaponiya tərəfdən isə Yaponiya Xarici İşlər Nazirliyinin rəhbəri Yoko Kamikava və ölkənin iqtisadiyyat, ticarət və sənaye naziri Yasutoşi Nişimura iştirak edəcək. Danışıqlarda ABŞ-ı dövlət katibi Antoni Blinken və ticarət naziri Gina Raimondo təmsil edəcək.
Bu, bu formatda ikinci Yapon-Amerika danışıqlarıdır – ilk belə görüş ötən ilin iyulunda Vaşinqtonda baş tutub. Tərəflər iqtisadi və diplomatik məsələlərin geniş spektrini, xüsusilə Hind-Sakit okean regionunun davamlı iqtisadi artımını və iqtisadi təhlükəsizlik sahəsində əlaqələrin inkişafını müzakirə etməyi planlaşdırırlar.
APEC sammiti 15-18 noyabr tarixlərində Kaliforniya ştatının San-Fransisko şəhərində keçiriləcək. (Tass)