İstanbul Baş Prokurorluğu şəhərin keçmiş bələdiyyə sədri Əkrəm İmamoğluna qarşı korrupsiya araşdırmasını tamamlayıb və 2352 ilə qədər həbs cəzası istəyir. İstanbul Baş prokuroru Akın Gürlek ittihamnamənin baxılması üçün məhkəməyə təqdim edildiyini açıqlayıb.
“İstanbul Bələdiyyəsinə qarşı korrupsiya işi üzrə ittiham aktı tamamlanıb. İş məhkəməyə göndərilib. Cinayət zamanı [müttəhimlərin] 10 il ərzində dövlət əmlakına dəymiş ziyanın 160 milyard lirə (3,8 milyard dollar) olduğu təxmin edilir”, – NTV baş prokurordan sitat gətirib.
İttihamnamə 3900 səhifədən ibarətdir və 102-si həbsdə olan 402 şübhəlinin adı çəkilir. Hürriyət qəzetinin məlumatına görə , ittiham tərəfi əsas müttəhim kimi adı çəkilən və “cinayətkar təşkilatın qurucusu və lideri” kimi tanınan İmamoğlunun birləşmiş cinayətlərə görə 282 ildən 2352 ilədək həbs cəzası tələb edir. (Tass)