Şiə Hizbullah partiyasının silahlı qanadından olan yaraqlılar Qəzzada Fələstin müqavimətini dəstəkləmək üçün Livanın cənubundakı sərhəd bölgələrində İsraillə döyüşlərdə iştirak etməyə davam edəcəklər. Bu barədə “Al Jadeed” telekanalının siyasi lideri Şeyx Həsən Nəsrullah televiziya ilə çıxışında bildirib.
“Biz sionist düşmənə qarşı bu müharibədə pilotsuz uçuş aparatlarından fəal şəkildə istifadə etməyə başladıq. Bundan əlavə, yarım ton ağırlığında iri çaplı Burkan raketləri də İsrail ərazisinin dərinliklərində zərbələr üçün istifadə olunur”.
Nəsrullahın sözlərinə görə, “İslam müqaviməti İsrail tərəfini Livanın cənubunda top atəşləri və hava hücumları zamanı mülki əhalinin ölümünə dözməyəcəyi barədə məlumat verib”. “Cavab olaraq biz İsrailin hərbi mövqelərinə və yaşayış məntəqələrinə qarşı əməliyyatlarımızı artıracağıq”, – o deyib.
Hizbullah lideri son vaxtlar ölkənin şimalında şiə yaraqlılarının hücumları nəticəsində 350-dən çox insanın yaralandığını etiraf edən İsrail mənbələrindən əldə etdiyi məlumatlara istinad edib. “Düşmən bundan çox narahatdır, ona görə də biz təzyiq cəbhəsini gücləndirəcəyik” deyib.