Ukrayna ABŞ prezidenti Donald Trampın sülh təklifləri ilə bağlı Kiyev və Vaşinqton arasında danışıqlara avropalı müttəfiqlərini cəlb etməyə çalışır. Bu barədə “The Guardian” mənbələrə istinadən məlumat yayıb.
Məqalədə deyilir: “Volodimir Zelenski bu həftənin sonunda Ağ Evdə Donald Trampla görüşə bilər, mənbələr Kiyev və Vaşinqton arasında çoxlu telefon zəngləri fonunda bildiriblər. Ukrayna bu danışıqlarda Avropanın iştirakına can atır”.
Böyük Britaniyanın baş naziri Keir Starmer artıq bəyan edib ki, Ukraynanı dəstəkləyən “istəklilər koalisiyası” noyabrın 25-nə planlaşdırılan video zəng zamanı münaqişəyə son qoymaq üçün sülh təkliflərini müzakirə edəcək.
Eyni zamanda, nəşrin həmsöhbətləri iddia edirlər ki, Ukrayna ABŞ-ın münaqişəyə son qoymaq üçün sülh planına əhəmiyyətli düzəlişlər etməyə, ən qəbuledilməz tələbləri aradan qaldırmağa və sənədi ilkin 28-dən 19-a qədər qısaltmağa nail olub.
Eyni zamanda “Financial Times” yazıb ki, Vladimir Zelenskinin yaxın çevrəsinin bəzi üzvləri Trampla münasibətlərin “yeni kəskinləşməsinin” qarşısını almaq üçün onun ABŞ-a mümkün səfərinə qarşıdırlar. (Tass)