Azərbaycan Dövlət İqtisad Universiteti (UNEC) Bakı Ekspo Mərkəzində keçirilən IX Bakı Beynəlxalq Kitab Sərgisində iştirak edir.
UNEC-dən AZƏRTAC-a bildirilib ki, universitetin stendində Ulu Öndər Heydər Əliyevə və Müzəffər Ali Baş Komandan, Prezident İlham Əliyevə, Zəfər Gününə həsr edilmiş kitablar, universitet alimlərinin əsərləri, eləcə də ənənəvi kitabdan rəqəmsal kitaba keçidi əks etdirən “Ənənədən müasirliyə” adlı instalyasiya və Dizayn Məktəbi tələbələrinin əl işləri sərgilənir.
UNEC stendi dövlət rəsmiləri, elm və mədəniyyət xadimləri, ziyalılar, həmçinin abituriyentlər və tələbələr, xarici qonaqlar tərəfindən ziyarət olunaraq, böyük maraqla qarşılanıb.
Sərginin ilk günündə UNEC alimləri tərəfindən hazırlanmış “Maliyyə risklərinin idarə edilməsi”, “Bir əsrin iqtisadi portreti”, “Strateji idarəetmə”, “Tədqiqat metodları” və “Exploring the Green Economy: Issues, Challenges and Benefits” kitablarının təqdimatı keçirilib.
Kitab sərgisi noyabrın 15-dək davam edəcək.