Livanın baş naziri Navaf Salam, atəşkəsə baxmayaraq, İsrailin ölkəsinə hərbi zərbələrinin artmasından məyusdur.
Salam, The New York Times qəzetinə müsahibəsində deyib: “Bizim (İsrailin baş naziri Benyamin) Netanyahunun dövründə hegemon kimi fəaliyyət göstərən, hər gün daha da güclənən nəzarətsiz oyunçumuz var. Eyni zamanda, dünyada İsrailin belə davranışına daha dözə bilməyən yeni nəsil yaranıb.
O qeyd edib ki, İsrailin Livan ərazisinə hərbi zərbələri ölkədə sabitliyi pozur və şiə Hizbullah təşkilatının tərksilah edilməsini çətinləşdirir. Baş nazirin sözlərinə görə, sonuncu hücum günü o, ABŞ və Fransanın rəhbərlik etdiyi monitorinq missiyasının nümayəndələrinə zəng edib. “Yarım saatdan sonra yenidən mənə zəng edərək İsrailin pilotsuz təyyarəsinin endirməsi nəticəsində üçü uşaq olmaqla beş nəfərin öldüyünü bildirdilər. Əsəbləşirəm, amma təkrar etiraz etməyimin nə mənası var?” Salam əlavə edib.
O, həmçinin qeyd edib ki, İsrail beş təpəyə nəzarəti saxlayaraq Livanın sərhəd bölgələrindən qoşunlarını tam şəkildə çıxarmaq öhdəliyini yerinə yetirməyib. Navaf Salam vurğulayıb ki, o, atəşkəs rejiminə nəzarət edən Amerika hərbçiləri qarşısında bu məsələni dəfələrlə qaldırıb.
“Mən onlara dedim ki, biz 1914 və ya 1915-ci ildə deyilik. Vəziyyəti izləmək üçün durbin və ya teleskopla 700 metrlik təpənin başına qalxmağa ehtiyac yoxdur. İsrailin peyk şəkilləri, pilotsuz uçan aparatları və ən müasir kameraları olan şarları var”, – Livanın baş naziri diqqət çəkib. (Tass)