Türkiyənin xarici işlər naziri Hakan Fidan noyabrın 28-də Almaniyaya səfəri zamanı İsrailin hərəkətləri fonunda Ukrayna və Qəzza zolağındakı vəziyyəti müzakirə etmək niyyətindədir.Bu barədə TASS-a Türkiyə Xarici İşlər Nazirliyindəki mənbə bildirib.
“Xarici işlər naziri Hakan Fidan Almaniyanın xarici işlər naziri Yohan Vadefulun dəvəti ilə 28 noyabr 2025-ci il tarixində Almaniyaya səfər edəcək. Danışıqlar zamanı o, Türkiyənin bütün tərəflər üçün məqbul olan ədalətli və davamlı sülhün bərqərar olması yolu ilə Rusiya-Ukrayna münaqişəsinə son qoymaq üçün göstərdiyi səyləri vurğulamaq niyyətindədir və bu istiqamətdə atdığı son addımları dəstəkləməyə hazır olduğunu təsdiqləyəcək”, – mənbə bildirib.
Mənbənin sözlərinə görə, Fidan “İsrailin Qəzza zolağında atəşkəs rejimini pozmağa yönəlmiş hərəkətlərinin qəbuledilməz olduğunu” vurğulamağı planlaşdırır. “O, Qəzza zolağında daimi atəşkəsin təmin edilməsinin, humanitar yardımın fasiləsiz çatdırılmasının, yenidənqurma işlərinin başlanmasının və İsrail qoşunlarının çıxarılmasının vacibliyini vurğulayacaq”, – mənbə qeyd edib. O, əlavə edib ki, Türkiyə XİN rəhbəri “atılan addımların, o cümlədən BMT Təhlükəsizlik Şurasının qətnaməsinə uyğun olaraq sülh şurasının və beynəlxalq sabitləşdirmə qüvvələrinin formalaşdırılmasının regionda iki dövlətli həll perspektivinə uyğun olduğunu” vurğulayacaq. (Tass)