Koreya Mərkəzi Xəbər Agentliyinin (KCNA) bəyanatında deyilir ki, Birləşmiş Ştatların hərbi təlimlər də daxil olmaqla “ehtiyatsız hərbi fəaliyyəti” Koreya yarımadasında və onun hüdudlarından kənarda qeyri-sabitliyə səbəb olur.
“ABŞ-ın bu ilin əvvəlindən müşahidə olunan və Koreya yarımadasında və ətraf regionda strateji sabitliyi ciddi şəkildə təhdid edən ehtiyatsız hərbi fəaliyyəti, ilin sonuna yaxınlaşdıqca indi də özünü daha qabarıq şəkildə büruzə verir”, – deyə jurnalistlər hesab edirlər. Nümunə olaraq KCNA Koreya Respublikası ilə ABŞ arasında Pxentek şəhəri yaxınlığında bir esmines, sualtı qayıq əleyhinə helikopter və patrul təyyarəsinin iştirak etdiyi birgə təlimləri, həmçinin F-16 qırıcılarının Koreya yarımadasının cənubuna yerləşdirilməsini və gücləndirilmiş qanadın yaradılmasını göstərir.
“Bu hərəkətlərin məqsədi ölkəmizi və regiondakı digər ölkələri zorla çəkindirmək və fövqəladə vəziyyət zamanı hava üstünlüyünü təmin etməkdir”, – KCNA hesab edir. “Rutin təlimlər”in tipik bəhanəsi son dərəcə döyüşkən və hücum xarakterli bu təxribat xarakterli hərəkətlərin aqressivliyini, həmçinin ABŞ-ın silahlı münaqişə riskini artıran bədxassəli amil olduğunu gizlədə bilməz”, – şərhdə deyilir.
KCNA qeyd edib ki, ABŞ-ın hərəkətləri regiondakı digər ölkələrin təhlükəsizlik maraqlarını pozur. “Noyabrın 21-də KİV-də yayılan xəbərlər ABŞ dəniz piyadalarının Yaponiyanın Tayvan boğazı yaxınlığında yerləşən Yonaquni adasında irəli logistik baza qurduğunu ortaya qoydu”, – nəşr yazır. (Tass)