ABŞ prezidenti Donald Trampın administrasiyası İsrailin Suriyaya davamlı olaraq vaxtaşırı hərbi zərbələr endirməsindən narahatdır, çünki bu cür hərəkətlər Amerikanın bu ölkədə vəziyyəti sabitləşdirmək və yəhudi dövləti ilə münasibətlərini normallaşdırmaq üçün bütün səylərini poza bilər. Bu barədə Ağ Ev rəsmilərinə istinadən Axios məlumat yayıb.
“Biz Bibini (İsrailin baş naziri Benyamin Netanyahunu ) buna son qoymalı olduğuna inandırmağa çalışırıq. Çünki belə davam edərsə, o, özünü ayağından güllələyəcək – o, böyük diplomatik fürsəti əldən verəcək və Suriyanın yeni hökumətini düşməninə çevirəcək”, – portalın mənbələrindən biri qeyd edib.
Amerika tərəfi ümid edir ki, İsrail və Suriya təhlükəsizlik razılaşması əldə edə biləcəklər və bu, son nəticədə Ərəb Respublikasının yəhudi dövləti ilə münasibətlərin normallaşdırılmasını nəzərdə tutan İbrahim sazişinə qoşulmasının əsasını qoymalıdır. Lakin noyabrın 28-də İsrailin hərbi zərbələri artıq təhlükəsizlik sazişi üzərində işlərə qismən zərbə vurub. Ötən cümə günündən bəri amerikalı rəsmilər insidentdən yaranan diplomatik nəticələri minimuma endirmək üçün İsrail və Suriya rəsmiləri ilə “sıx danışıqlar” aparırlar.
“Suriya İsraillə problem istəmir. Amma Bibi hər yerdə kabuslar görür”, – başqa mənbə əlavə edib.