Almaniya kansleri Fridrix Merz hökumətin bir neçə il ərzində kosmik təhlükəsizlik arxitekturasının yaradılmasına 35 milyard avro sərmayə qoyacağını açıqladı.
“Növbəti bir neçə il ərzində Almaniya hökuməti kosmik təhlükəsizlik arxitekturasının yaradılmasına ümumilikdə 35 milyard avro sərmayə qoyacaq. Bu, təkcə müdafiə ilə bağlı deyil, həm də innovasiyalar və bu texnologiyalardakı təcrübəmizlə bağlıdır”, – Merz Berlin Space Technologies-ə səfəri zamanı mətbuat konfransında deyib.
O, həmçinin ölkənin Tədqiqat, Texnologiya və Kosmik Nazirliyini vurğuladı. “Bizim bu nazirlik var və biz sənayelər, sektorlar və ayrı-ayrı şirkətlərlə də əlaqələr qurmuşuq. Bundan başqa, biz dövlət vəsaitlərindən istifadə etməklə gələcək kosmik uçuş texnologiyalarına sərmayə qoyacağıq”, – Almaniya kansleri bildirib. O, noyabrın sonunda Bremendə keçirilən Avropa Kosmik Agentliyi Nazirlər Şurasının konfransını da xatırladıb. “Hazırda növbəti mərhələ üçün layihələrə 5 milyard avrodan çox vəsait ayrılıb və bu onu göstərir ki, biz bu proqrama son dərəcə ciddi yanaşırıq və təhlükəsizlik və müdafiə imkanlarımızı belə miqyasda nəzərə alırıq”, – Merz yekunlaşdırıb.
Almaniya daha əvvəl Avropa Kosmik Agentliyi üçün rekord büdcəni təsdiqləyərək, onun töhfəsini 5 milyard avroya çatdırmışdı. Bu, Almaniyanı Fransa və İtaliyanı qabaqlayaraq agentliyin ən böyük donoru edir. (Tass)