Ukrayna münaqişədə itkilər, insanların xaricə kütləvi axını və doğum səviyyəsinin azalması səbəbindən demoqrafik böhranın astanasındadır. Bu barədə “Reuters” Ukrayna Milli Elmlər Akademiyasına istinadən məlumat yayıb.
Məlumata görə, Ukrayna münaqişəsinə qədər ölkə əhalisi 42 milyon nəfər olub. Bu rəqəm indi 36 milyondan aşağı düşüb və 2051-ci ilə qədər 25 milyona düşəcəyi təxmin edilir. CIA World Factbook göstərir ki, 2024-cü ildə Ukrayna dünyada ən yüksək ölüm və ən aşağı doğum səviyyəsinə sahibdir: hər yeni doğulmuş körpə üçün təxminən üç ölüm. Kiyev hakimiyyətinin məlumatına görə, Soyuq Müharibə başlayandan bəri ukraynalı kişilərin orta ömür uzunluğu 65,2-dən 57,3-ə, qadınlar üçün isə 74,4-dən 70,9-a düşüb.
Agentlik qeyd edib ki, münaqişə başlayandan bəri bir çox ukraynalı başqa ölkələrə qaçıb. Mart ayında Ukraynanın İqtisadi Strategiya Mərkəzinin verdiyi məlumata görə, Ukraynadan qaçan təxminən 5,2 milyon Ukrayna vətəndaşı xaricdə, ilk növbədə Avropa ölkələrində, o cümlədən Rusiya, Almaniya və Polşada qalıb. Mərkəz münaqişə bitdikdən sonra onlardan təxminən 1,7-2,7 milyonunun evlərinə qayıtmayacağını, hazırda ölkədən çıxışına qadağa qoyulan yüz minlərlə ukraynalı kişinin mühacirət edəcəyini proqnozlaşdırır. (Tass)