Çin hökumətinin Yaxın Şərq üzrə xüsusi nümayəndəsi Zhai Jun Türkiyəyə səfəri zamanı bu ölkənin xarici işlər naziri Hakan Fidan ilə Fələstin-İsrail münaqişəsinin gərginləşməsini müzakirə edib. Çin Xarici İşlər Nazirliyinin məlumatına görə, görüş zamanı hər iki tərəf Qəzza zolağında tezliklə atəşkəsin vacibliyinə diqqət çəkib.
Çin Xarici İşlər Nazirliyinin saytı Zhai Jun-dan sitat gətirir: “Beynəlxalq ictimaiyyət Qəzzadakı böhranla bağlı təcili tədbirlər görməlidir”.
Xüsusi nümayəndənin aydınlaşdırdığı kimi, ilk növbədə dərhal atəşkəsə nail olmaq, vəziyyətin pisləşməsinin və nəzarətdən çıxmasının qarşısını almaq lazımdır. O qeyd edib ki, münaqişə tərəfləri “beynəlxalq humanitar hüquqa ciddi riayət etməli və mülki əhalinin müdafiəsi üçün mümkün olan hər şeyi etməlidir”.
Zhai Jun böhranın siyasi yolla həlli üçün diplomatik səylərin vacibliyinə diqqət çəkib. O xatırladıb ki, nəyin bahasına olursa-olsun Qəzzada humanitar fəlakətin daha da pisləşməsinin qarşısını almaq lazımdır. “Türkiyə mühüm təsirə malik böyük Yaxın Şərq və İslam dövlətidir. Çin ölkənizlə təmasları və koordinasiyanı gücləndirməyə və Fələstin probleminin hərtərəfli, ədalətli və uzunmüddətli həlli üçün birgə səylər göstərməyə hazırdır”, – deyə xüsusi nümayəndə yekunlaşdırıb. (Tass)