Litva hesab edir ki, elektrik şəbəkələrini Polşa ilə quru yolu ilə birləşdirmək daha təhlükəsiz olacaq. Bu barədə Litva prezidentinin müşaviri Yaroslav Neveroviç “Ziniu radijas” radiostansiyasının efirində bildirib.
Əvvəllər xəbər verildiyi kimi, ölkələr bu işi Baltikyanı ölkələrin elektrik şəbəkələrinin Polşa vasitəsilə Qərbi Avropa ilə sinxronlaşdırılması layihəsi çərçivəsində planlaşdırır.
“Biz təhlükəsizliyi Baltik dənizinin dibi ilə deyil, quru üzərində sinxronizasiya çərçivəsində inşa etmək üçün ciddi arqument hesab edirik” deyib Neveroviç.
İlkin layihə Qdansk vilayətində Polşanın elektrik şəbəkəsinə qoşulmaqla dənizin üstü ilə keçidin çəkilməsini təklif edirdi. “Biz bu layihəni əvvəllər bu variantı özləri üçün ən məqbul hesab edən polşalı tərəfdaşlarla əməkdaşlıqla həyata keçiririk,” Neveroviç qeyd edib: “İndi onlar öz fikirlərini dəyişirlər”. Tərəfdaşlar 2024-cü ilin birinci yarısında variantların hərtərəfli qiymətləndirilməsindən sonra kabelin hara çəkiləcəyi ilə bağlı qərar qəbul etməyi gözləyirlər. (Tass)