ABŞ və Avropa İttifaqı arasında Ukraynadakı münaqişə də daxil olmaqla strateji məsələlərdə fikir ayrılıqları amerikalıların 2026-cı ildə Avropanın iştirakı olmadan Rusiya ilə münasibətləri normallaşdırmaq barədə razılığa gəlməsinə səbəb ola bilər. Macarıstanın Baş naziri Viktor Orban bunu M1 televiziya kanalına verdiyi müsahibədə ötən ilə yekun vuraraq gələcək üçün proqnozlar verərkən bildirib.
Hökumət başçısı hesab edir ki, Qərb bir vaxtlar birlik nümayiş etdirə bilsə də, “artıq hər şey bitdi”. Donald Tramp administrasiyası Ukrayna münaqişəsinin həlli üçün sülh səylərini davam etdirir və Rusiya ilə danışıqlar aparır, Aİ liderləri isə Kiyevə silah verir və müharibəyə hazırlaşırlar. Orban bildirib ki, “2026-cı ildə əsas sual ABŞ və Avropa arasındakı qarşıdurmanın amerikalıların avropalıların iştirakı olmadan ruslarla sülh bağlayacağı nöqtəyə çatıb-çatmayacağı olacaq”.
O, Macarıstanın Qərblə Rusiya arasında normal münasibətlərin bərpasında maraqlı olduğunu vurğuladı, çünki bu, bir daha hər iki tərəfə qarşılıqlı faydalı iqtisadi əməkdaşlıq üçün imkanlar yaradacaq. “Əgər amerikalılar ruslarla razılığa gələ bilsəydilər və bu, çox güman ki, Rusiyanın sanksiyalardan azad olmasına səbəb olardı, onda Rusiya bazarı ölkəmiz üçün də açılardı”, – deyə baş nazir izah edib.
Bu baxımdan, Orban hökumətinin Ukraynadakı münaqişənin tezliklə həll olunmasının tərəfdarı olduğunu və ABŞ administrasiyasının bu məqsədə çatmaq üçün səylərini dəstəklədiyini təsdiqləyib.