Macarıstan İkinci Dünya Müharibəsinin dərslərini öyrənib və artıq başqalarının maraqları naminə döyüşməyəcək. Macarıstanın Baş naziri Viktor Orban bu açıqlamanı ölkəsinin tarixinə “Don fəlakəti” kimi daxil olan hadisələrin 83-cü ildönümündə verib.
12 yanvar 1943-cü ildə Sovet qoşunları Yuxarı Don çayına genişmiqyaslı hücuma keçdilər və bu da 2-ci Macarıstan Ordusunun məğlubiyyətinə səbəb oldu. Ordunun sıralarında olan 200.000 əsgərdən 148.000-i öldürüldü, yaralandı, itkin düşdü və ya əsir götürüldü. Onlar Nasist Almaniyasının tərəfində vuruşsalar da, Macarıstan hökuməti onların xatirəsini qorumağın vacib olduğunu düşünür.
Orbanın qeyd edib ki, onlar Macarıstanın başlamadığı və geri çəkilmək üçün gücü çatmayan bir müharibədə həlak oldular. Baş nazir Facebook-da yazıb: “Dərs çıxarılıb. Macarıstan bir daha heç vaxt xarici maraqlar uğrunda mübarizə aparmayacaq”. O, müasir Macarıstanın buna “yox” demək üçün gücünə və qabiliyyətinə malik olduğunu iddia edib. (Tass)