Tayvan Hərbi Hava Qüvvələri 6 yanvarda adanın şərq sahillərində itkin düşən F-16V qırıcı təyyarəsinin uçuş məlumatları qeydə alındığını bildirib. Tayvan Müdafiə Nazirliyinin sözçüsü jurnalistlərə bildirib ki, uçuş məlumatları qeydə alınan cihaz dərin suda yerləşir.
“Qara qutunun yeri dəqiq müəyyən edilib. Lakin, o, yerli xilasetmə gəmiləri üçün əlçatmaz olan dərinlikdə yerləşdiyindən, ordu Sinqapur və Yaponiya şirkətləri ilə əlaqə saxlayaraq onun tapılmasında kömək alır”, – deyə Taiwan News onun sözlərini sitat gətirib. İtkin düşmüş təyyarənin pilotunun harada olduğu hələ də məlum deyil.
F-16V qırıcı təyyarəsi 6 yanvar axşamı Hualan qraflığı sahillərində dəniz üzərində uçarkən radarlardan itib. Təyyarə gecə təlim uçuşu həyata keçirən bir qrup qırıcıdan ayrılıb. İtkin düşən təyyarənin pilotu kapitan Xin təyyarə radar ekranlarından yoxa çıxmazdan əvvəl katapult etmək niyyətini bildirməyi bacarıb, lakin onun qaça bilib-bilmədiyi hələlik məlum deyil. İtkin düşən pilotun axtarışı uğursuz olub. (Tass)