Suriya keçid hökuməti terrorizm kontekstində şantaj cəhdlərini qətiyyətlə rədd edir və kürd koalisiyası olan Suriya Demokratik Qüvvələrinin (SDF) İŞİD yaraqlıları üçün həbsxanalarla bağlı iddialarının təsir vasitəsi olduğunu iddia edir.
“Suriya hökuməti terrorizm kontekstində şantaj cəhdlərini qəti şəkildə rədd edir və Kürd Muxtar Administrasiyasının İŞİD həbsxanaları ilə bağlı bəyanatında yer alan xəbərdarlıqların terrorizm məsələsinin siyasi istismarından və təzyiq formasından başqa bir şey olmadığını bildirir”, – deyə “Əl-İxbariya ” telekanalının dərc etdiyi mətndə bildirilir.
Hökumət vurğulayıb ki, “bütün saxlama mərkəzlərinin təhlükəsizliyini beynəlxalq səviyyədə tanınmış standartlara uyğun olaraq təmin etməyə və saxlanılan İŞİD üzvlərindən heç birinin qaçmamasına və ya cinayət yerinə qayıtmamasına” sadiqdir. Dəməşq həmçinin SDF rəhbərliyini “saxlanılan İŞİD üzvlərinin qaçmasına kömək edə biləcək hər hansı ehtiyatsız addımlar” barədə xəbərdar edib.
Suriyanın keçid hökumətinin Müdafiə Nazirliyi öz növbəsində SDF-i “Haseke əyalətinin cənubunda yerləşən əl-Şaddadi həbsxanasından məhbusların qəsdən azad edilməsində” günahlandırdı.
SDF daha əvvəl Dəməşqlə əlaqəli silahlı qruplarla toqquşmalardan sonra minlərlə İŞİD tərəfdarının saxlanıldığı Əl-Şəddadi həbsxanasına nəzarəti itirdiyini iddia etmişdi.(Tass)