Böyük Britaniyanın Baş naziri Keir Starmer Çinə rəsmi səfərinə başlamaq üçün Pekinə gəlib. Xinhua agentliyi xəbər verir.
Böyük Britaniya Baş nazirinin səfəri 31 yanvar tarixinə qədər davam edəcək. Bu, Böyük Britaniya Baş nazirinin səkkiz ildən sonra Çinə ilk səfəridir.
Səfər proqramına ikitərəfli münasibətlər və beynəlxalq məsələləri müzakirə etmək üçün Çin liderləri ilə danışıqlar daxildir. Çin Xarici İşlər Nazirliyinin çərşənbə günü keçirilən müntəzəm brifinqdə açıqladığı kimi, Starmer Pekindən əlavə Şanxaya da səfər edəcək.
Daha əvvəl Çin Xarici İşlər Nazirliyinin sözçüsü Quo Ciakun bildirib ki, Pekin Böyük Britaniya Baş nazirinin səfərinin Londonla münasibətlərdə “yeni bir fəsil” açacağına ümid edir. Diplomat vurğulayıb ki, hər iki ölkə BMT Təhlükəsizlik Şurasının daimi üzvləri kimi ünsiyyəti davam etdirməli və əməkdaşlığı gücləndirməlidir.