APA xəbər verir ki, bunu parlamentin bu gün keçirilən iclasında deputat Elnarə Akimova deyib.
Deputat bildirib ki, xalq bütövlükdə Nizami ili, Nəsimi ili, multikulturalizm ili, yaxud Cümhuriyyət İli, Şuşa İli, Heydər Əliyev İli çərçivəsində həmrəylik düşüncəsinə kökləndi ki, vəhdət anlayışının bundan Ali səviyyəsini təsəvvür etmək mümkün deyil: “Əslində, bütün bu illərə rəmzi səciyyə verməklə Prezident İlham Əliyev Vətənin milli birlik düsturunu yaradır. Və bu, qədim tarixə malik olan Azərbaycanın həyatında heç analoqu olmayan işıq dolu səhifələrdir”.
Elnarə Akimova Gənclər Günü ilə bildirib ki, onlarla bağlı çox işlər gerçəkləşir: “Amma onlara ötürülən ən böyük mənəvi miras mədəniyyətlə bağlı gerçəkləşən işlərdir. Çünki bu tikilən abidələrin çölündə yox, içində ehtiva və təmsil etdiyi adlarda milli-əxlaqi dəyərlər və bədii-estetik sərvətlər yaşayır, xalqın min illik tarixi təcrübəsi, ibrət və hikmət dünyası yaşayır. Və ona görə qorunur ki, formalaşan gənclərə sağlam bir gələcək ərməğan edilsin”.