İsrail hökuməti fevralın 8-də Qəzza zolağı sərhədindən bir neçə onlarla kilometr şərqdə, Negev səhrasında, Müqəddəs Kitabda xatırlanan Ziklaq şəhəri yaxınlığında əlavə beynəlxalq hava limanının tikintisi layihəsini nəzərdən keçirəcək. Bu barədə İsrail Baş Nazirinin Ofisi məlumat verib.
“Baş nazir Benyamin Netanyahunun göstərişi ilə bu bazar günü (8 fevral ) Negev əyalətinin Ziklaq şəhərində əlavə beynəlxalq hava limanının yerləşməsi ilə bağlı qərar layihəsi təsdiq üçün hökumətə təqdim ediləcək”, – deyə açıqlamada bildirilir. Baş nazirin ofisi qeyd edib ki, “qərar baş nazir tərəfindən məsələni nəqliyyat naziri Miri Regev və Maliyyə, Nəqliyyat və Müdafiə nazirliklərinin yüksək vəzifəli şəxsləri ilə müzakirə etdikdən sonra verilib”.
Bundan əlavə, Baş Nazirin Ofisi əlavə beynəlxalq hava limanının yaradılmasını “milli zərurət” adlandıraraq, “İsrailə və İsraildən uçuşların sayının daim artmasına” istinad edib. (Tass)