Dövlət Departamenti, hər hansı bir xarici və ya daxili tənqidə baxmayaraq, bu və ya digər səbəbdən təhdid hesab edilən əcnəbilər üçün vizaları kütləvi şəkildə ləğv etməyə davam edəcək. Bu barədə ABŞ Dövlət Katibi və Milli Təhlükəsizlik Müşaviri Marko Rubio bildirib.
“Dövlət Departamentindəki işim ondan ibarətdir ki, əgər bir ziyarətçinin xarici siyasətimizi, milli təhlükəsizliyimizi təhdid etdiyinə inanırıqsa, həmin şəxsin vizasını ləğv edəcəyik. Və biz bunu etməyə davam edəcəyik. Viza almaq üçün konstitusiya hüququ yoxdur – bu, ölkəmizə səfər etmək üçün icazədir, istər tələbə, istər turist, istər jurnalist, istərsə də hər hansı bir şəxs olun – əgər maraqlarımıza zidd hərəkətlər etsəniz, vizanızı ləğv edəcəyik”, – Rubio Macarıstanın Baş naziri Viktor Orbanla birgə mətbuat konfransında bildirib.
Dövlət katibi vurğulayıb ki, onun departamenti 2025-ci ildə milli təhlükəsizlik səbəbləri ilə çox sayda vizanı ləğv edib. O, həmçinin qeyd etdi ki, Dövlət Departamenti müəyyən hallarda departamentin viza qərarlarını pozan ABŞ məhkəmələrinin qərarlarına baxmayaraq, bu siyasəti davam etdirəcək. (Tass)