ABŞ administrasiyası Cenevrədə İranla nüvə məsələsi üzrə dolayı danışıqların ikinci raundunu məhsuldar hesab edir və Tehranın iki həftə ərzində qalan məsələlərin həlli üçün təkliflər təqdim etməsini gözləyir. Bu barədə X-də Amerikanın Axios portalı və İsrail televiziyasının 12-ci kanalının müxbiri Barak Ravid məlumat verib.
“İranla danışıqlarda irəliləyiş əldə edilib, lakin bir çox detallar hələ müzakirə olunmalıdır. İranlılar bildiriblər ki, iki həftə ərzində bəzi həll olunmamış məsələlərin həlli üçün ətraflı təkliflər təqdim edəcəklər…”, – deyə o, dolayı məsləhətləşmələrin ikinci mərhələsinin nəticələri barədə amerikalı rəsmidən sitat gətirib. (Tass)