Ukraynanın Drujba boru kəməri vasitəsilə respublikaya neft nəqlini dayandırmaq qərarının siyasi motivli olduğu müəyyən edilərsə, Slovakiya tədbir görəcək. Bu barədə Slovakiyanın Baş naziri Robert Fiko bildirib.
“Slovakiya üçün neftlə bağlı baş verənlərin sadəcə siyasi oyun olduğu və başqa bir şey olmadığı təsdiqlənərsə, cavab tədbirləri görəcəyik”, – deyə çıxışının videosu Facebook-da yerləşdirilən Fiko bildirib.
O bildirib ki, Ukrayna Drujba boru kəməri ilə neft tədarükünün bərpasını qəsdən gecikdirə bilər. Bratislavada olan məlumata görə, boru kəmərinin zədələnmiş hissəsində təmir işləri başa çatıb və xam neft Slovakiyaya geri göndərilə bilər.