Almaniya kansleri Fridrix Merts ABŞ prezidenti Donald Trampla dəyişdirilmiş tarif vəziyyətini müzakirə etmək üçün Vaşinqtona gedəcəyini açıqlayıb.
Merz Ştutqartda keçirilən Xristian Demokrat İttifaqının qurultayından sonra ARD televiziyasına verdiyi müsahibədə bildirib ki, “Bu, çoxlarının gözlədiyi maraqlı bir qərardır: Vaşinqtondakı Ali Məhkəmə administrasiyaya gömrük siyasəti məsələlərində səlahiyyətlərinin həddini göstərib”. O, qərarın sektor rüsumları ilə deyil, ümumi tarif dərəcəsi ilə bağlı olduğunu aydınlaşdırıb.
Kanslerin sözlərinə görə, ABŞ prezidenti ilə danışıqlardan əvvəl “çox aydın Avropa mövqeyi”nin hazırlanması məqsədi ilə Aİ məsləhətləşmələri keçiriləcək. “Gömrük siyasəti ayrı-ayrı üzv dövlətlərin deyil, Avropa İttifaqının məsuliyyətidir. Mən Vaşinqtona razılaşdırılmış Avropa mövqeyi ilə gedəcəyəm”, Merz sözünə davam edib.
“İlk növbədə, bu (tariflər ) onları tətbiq edən ölkəyə zərər verir”, – deyə baş nazir bildirib. O, əlavə edib ki, Almaniya da daha az mal tədarük etdiyi üçün gərginlik hiss edir. “Amma nəticədə daha çox pul ödəyən ABŞ-dakı istehlakçılardır”, – deyə Merz izah edib və Amerika məhkəməsinin hökmünü müsbət xəbər adlandırıb. “Görünür, ABŞ-da hakimiyyət bölgüsü hələ də qüvvədədir və bu, yaxşı xəbərdir”, – deyə Merz yekunlaşdırıb.
“Bild” qəzetinin məlumatına görə, Almaniya kansleri martın əvvəlində ABŞ-a səfər edəcək və orada prezident Donald Trampla görüşəcəyi gözlənilir. Ağ Evdə görüş martın 3-nə planlaşdırılıb. (Tass)