Kipr hakimiyyəti təhlükəsizlik səbəbilə, Avropa Liqası çərçivəsində adada çıxış etməyi planlaşdıran iki İsrail futbol komandasının iştirakı ilə öz ərazilərində oyun keçirməkdən imtina etmək qərarına gəlib. Bu barədə ölkənin ədliyyə və ictimai asayiş naziri Anna Koukidis-Prokopiou Kipr Dövlət Yayım Korporasiyasına məlumat verib.
“Dövlət üçün vətəndaşlarının təhlükəsizliyi hər şeydən əvvəl gəlir və bütün mövcud məlumatları nəzərə alaraq qərara gəldik ki, [İsrail komandaları ilə] futbol matçları üçün müraciətlər təmin edilə bilməz” deyib. Söhbət İsrailin Hayfa və Təl-Əvivin “Makkabi” futbol klublarının iştirakından gedir.
Koukidis-Prokopiunun sözlərinə görə, Kipr polisi Yaxın Şərqdəki vəziyyətlə əlaqədar gücləndirilmiş təhlükəsizlik tədbirləri görür.