Şiə Hizbullah partiyasının silahlı qanadı İsrailin sərhəddəki Biranit bölgəsindəki hərbi kazarmasına yerdən-yerə raket zərbəsi endirib. Bu barədə qurumun Telegram-kanalında yerləşdirilən məlumatda deyilir.
“Dörd iri çaplı Burkan raketi 91-ci İsrail diviziyasının komanda məntəqəsinin yerləşdiyi Biranit kazarmasına düşüb”, mətndə vurğulanır. Orada bildirilir ki, “düşmən birbaşa zərbə nəticəsində itki verib”.
Bundan əlavə, “Hizbullah”ın məlumatına görə, şiə yaraqlıları işğal altındakı Şəba bölgəsindəki Zıbdin kazarmalarına və İsrailin Hədəb Yaroun, Hədab Bustan və Əl-Malikiya məntəqələrinə idarə olunan tank əleyhinə raketlərlə hücum edib.
Naharnet xəbər portalının məlumatına görə , Livanın cənubundan yəhudilərin yaşadığı Baram qəsəbəsinə minaatanlardan atəş açılıb. Bu hücumun Rəşidiyyə düşərgəsində yerləşən radikal Fələstin qruplaşmalarının üzvləri tərəfindən həyata keçirildiyi güman edilir.(Tass)