İran Xarici İşlər Nazirliyinin sözçüsü İsmayıl Bəqayi bildirib ki, bir neçə ölkədən olan gəmilər Tehranın icazəsi ilə Hörmüz boğazından keçib.
“Ölkələr İran İslam Respublikası ilə koordinasiyalı şəkildə gəmilərini Hörmüz boğazından keçiriblər. Bu, özlüyündə İran İslam Respublikasının məsuliyyətli yanaşmasını nümayiş etdirir”, – deyə o, SNN telekanalının yayımladığı brifinqdə bildirib. Diplomatın sözlərinə görə, “son bir neçə gündə müşahidə olunanlar ABŞ və sionist rejimin bölgəyə tətbiq etdiyi müharibənin nəticəsidir”. Bəqayi vurğulayıb ki, İran “milli təhlükəsizliyi təmin etmək və təcavüzkarlar və onların müttəfiqləri tərəfindən bu su yolunda sui-istifadə hallarının qarşısını almaq üçün lazımi tədbirləri görmək hüququna malikdir”. (Tass)