ABŞ və İran Pakistan vasitəsilə mesaj mübadiləsi apararaq səlahiyyətli danışıqlar aparırlar. Bu barədə Pakistanın xarici işlər naziri İshaq Dar bildirib.
O, sosial media səhifəsində yazıb: “Media Yaxın Şərqdəki mövcud münaqişəyə son qoymağa yönəlmiş sülh danışıqları ilə bağlı əsassız fərziyyələr yayıb. Əslində, ABŞ-İran dolayı danışıqları Pakistan tərəfindən ötürülən mesajlar vasitəsilə aparılır”. Nazir aydınlıq gətirib ki, ABŞ İrana hazırda Tehranda müzakirə olunan 15 maddəlik plan təqdim edib.
Darın sözlərinə görə, Türkiyə və Misir də vəziyyətin sülh yolu ilə həlli təşəbbüslərini dəstəkləyir. (Tass)