ABŞ Prezidenti Donald Tramp ABŞ Silahlı Qüvvələrinin İrandakı Xarq adasını ələ keçirməyə cəhd göstərəcəyi ehtimalını istisna etməyib.
Ağ Ev rəhbəri martın 29-da “The Financial Times” qəzetinə verdiyi müsahibədə “Bəlkə də Xarq adasını ələ keçirərik. Bəlkə də ələ keçirməyəcəyik. Bizim çoxlu seçimimiz var”, – deyə bildirib. Amerika lideri ABŞ ordusunun Xarq adasına mümkün enişindən bəhs edərək bildirib: “Bu, həm də bir müddət orada qalmalı olduğumuz anlamına gəlir. Vaşinqton administrasiyasının rəhbəri iddia edib ki, “Onların heç bir müdafiəsi yoxdur. Biz bunu çox asanlıqla ələ keçirə bilərik”.
Martın 26-da Amerikanın Axios portalı ABŞ rəsmilərinə və mənbələrinə istinadən Pentaqonun İranla münaqişəni qızışdırmaq üçün dörd mümkün variant hazırladığını, bunlara Xarq, Larak və ya Əbu Musa adalarının ələ keçirilməsinin daxil ola biləcəyini bildirib. (Tass)