İsrail və HƏMAS-dan olan danışıqlarçılar girovların azad edilməsi ilə bağlı ilkin razılığa gəliblər, indi İsrail hakimiyyəti bunu təsdiqləməlidir. Bu barədə NBC televiziyası yüksək rütbəli amerikalı məmurlara istinadən məlumat yayıb.
Onlar bildiriblər ki, ilkin razılaşma radikal HƏMAS hərəkatının saxladığı 50 qadın və uşağın təxminən 150 fələstinli məhbusla mübadiləsini əhatə edir. Qeyd edildiyi kimi, hələ ki, sayı müəyyənləşdirilir. Həmçinin, razılaşmaya əsasən, tərəflər 4-5 gün müddətinə atəşkəs və Qəzza zolağına yanacağın çatdırılmasını elan edə bilərlər.
Mənbənin qeyd etdiyi kimi, həbsdən azad edəcəyi məhbusları İsrail özü seçəcək.
Bundan əvvəl ABC telekanalı İsrail hakimiyyətinin girovların azad edilməsi ilə bağlı qərarı çərşənbə günü, noyabrın 22-nə yaxın verəcəyini bildirmişdi. Onun sözlərinə görə, qərarı ilk növbədə hərbi və təhlükəsizlik kabinetinin üzvləri verməlidir, bundan sonra çərşənbə axşamı hökumətdə səsvermə keçiriləcək. ABC-nin mənbəsi bildirib ki, onun nəticələri çərşənbə günü məlum olacaq. (Tass)