Vladimir Zelenski ABŞ prezidentinin elçiləri Stiv Uitkoff və Cared Kuşnerlə videokonfrans zamanı Ukrayna üçün “təhlükəsizlik zəmanətlərinin gücləndirilməsi” barədə razılığa gəlindiyini bildirib.
“Təhlükəsizlik zəmanətlərini gücləndirmək barədə razılığa gəldik. Hər şey aktual olmalıdır. Dünyadakı dəyişiklikləri görürük. Bir anda nə qədər dəyişə bilər. Bu, həm ittifaqlara, həm də təhlükəsizlik çağırışlarına aiddir. Komandaların yaxın gələcəkdə əsaslı şəkildə birlikdə işləməsini gözləyirəm ki, hamımız irəliləyişi görə bilək”, – deyə Zelenski Telegram-da bildirib.
Onun sözlərinə görə, söhbətdə senator Lindsi Qrem və NATO-nun baş katibi Mark Rutte də iştirak ediblər.