ABŞ prezidenti Donald Tramp və Böyük Britaniyanın Baş naziri Keir Starmer arasında münasibətlər o qədər pisləşib ki, Britaniyanın baş naziri diqqətini digər ölkələrlə əlaqələrin gücləndirilməsinə yönəltməlidir. Bu barədə The Guardian qəzeti Britaniya hökumətindəki mənbələrə və keçmiş diplomatlara istinadən məlumat yayıb.
Adı açıqlanmayan yüksək vəzifəli diplomat nəşrə münasibətlərin necə bərpa olunacağını təsəvvür etməkdə çətinlik çəkdiyini bildirib. Bunun əvəzinə, o, Starmerə Kanada, Avstraliya və Avropa ölkələri ilə əlaqələri dərinləşdirməyə çalışmağı təklif edib.
“The Guardian” qəzeti həmçinin adı çəkilməyən Böyük Britaniya hökumətinin xarici işlər üzrə müşavirinə istinadən yazıb ki, Trampın Starmerə qarşı “gözlənilməz və qeyri-sabit” təhqirləri iki lider arasında yaxın şəxsi münasibətlər qurmağın müdrikliyini şübhə altına alır.