İran ABŞ prezidenti Trampın Hörmüz boğazı bağlı qalacağı təqdirdə cəhənnəmi açmaqla bağlı təhdidinə tez bir zamanda cavab verib. Ali Rəhbər Ayətullah Müctəba Xameneinin müşaviri Əli Əkbər Vilayəti Bab əl-Məndəb boğazının da bağlana biləcəyi ilə hədələyərək bildirib: “Əgər Ağ Ev axmaq səhvlərini təkrarlamağı planlaşdırırsa, tezliklə enerji axınlarının və qlobal ticarətin tək bir hərəkətlə dayandırıla və ya pozula biləcəyini anlayacaq”.
ABŞ və İran arasında gərginlik, razılaşmaya ümidlər böyük olsa da, yenidən artdı. ABŞ prezidenti Donald Tramp bildirib ki, Hörmüz boğazı açılmasa, İran üçün həyatı cəhənnəmə çevirəcəklər. İran Trampın təhdidinə cavab verdi.
İran ABŞ prezidenti Donald Trampın ölkənin enerji infrastrukturuna hücum təhdidlərini həyata keçirəcəyi təqdirdə Hörmüz boğazı ilə yanaşı, Bab əl-Məndəb boğazının da bağlana biləcəyi barədə xəbərdarlıq edib. Ali Rəhbər Ayətullah Müctəba Xameneinin müşaviri Əli Əkbər Vilayəti sosial mediada paylaşdığı mesajda prezident Trampın təhdidlərinə münasibət bildirib. Vilayəti bildirib: “Müqavimət Cəbhəsinin komandanlıq mərkəzi Bab əl-Məndəbə Hörmüz boğazı kimi baxır. Ağ Ev axmaq səhvlərini təkrarlamağı planlaşdırırsa, tezliklə enerji axınının və qlobal ticarətin tək bir hərəkətlə pozula biləcəyini başa düşəcək.”