Böyük Britaniya 2026-cı ildə Ukraynaya 120.000 pilotsuz uçuş aparatı tədarük edəcək. Bu barədə Böyük Britaniya hökumətinin yaydığı bəyanatda bildirilib.
Kommünikedə qeyd olunur ki, “Böyük Britaniya tərəfindən indiyə qədər təqdim edilən ən böyük yeni paketə minlərlə uzunmənzilli zərbə dronları, kəşfiyyat və müşahidə dronları, logistika dronları və dəniz aktivləri daxil olacaq ki, bunların hamısı artıq Ukraynadakı cəbhə xəttində döyüş sınaqlarından keçirilib”. London izah edib ki, yeni dronların tədarükü artıq aprel ayında başlayıb.
Böyük Britaniya hökuməti vurğulayıb ki, bu silahların Böyük Britaniyada yerləşən Tekever, Windracers və Malloy Aeronautics zavodlarında istehsalı yeni iş yerlərinin yaradılmasına kömək edəcək.
Qeyd olunur ki, PUA istehsalı xərcləri bu il Ukraynaya ayrılan 3 milyard funt sterlinq (4 milyard dollar) məbləğində yardım paketinə daxildir. (Tass)