ABŞ prezidenti Donald Tramp Çinin ABŞ-İsrail hərbi əməliyyatı zamanı İrana müəyyən malların tədarük edilməsi qərarından təəccübləndiyini bildirib.
“Dünən göyərtəsində Çindən hədiyyə olan o qədər də yaxşı olmayan bir gəmini saxladıq”, – deyə Amerika lideri CNBC-nin canlı yayımında bildirib. “Bir az təəccübləndim, çünki Prezident Si (Çin prezidenti Si Cinpin ) ilə anlaşma əldə etdiyimi düşünürdüm. Amma bu normaldır. Müharibələr belə işləyir”, – deyə Tramp əlavə edib.
Çin Xarici İşlər Nazirliyinin sözçüsü Quo Ciakun daha əvvəl bildirdiyi kimi, Pekin ABŞ ordusu tərəfindən Touska gəmisinin saxlanılmasından narahatlığını bildirir. ABŞ dövlət katibi aprelin 20-də ABŞ-ın İranın Touska yük gəmisini dəniz blokadasını pozmağa cəhd etdiyinə görə Oman körfəzində saxladığını açıqladı. “The Washington Post” qəzetinin məlumatına görə, gəmi Çindən gəlirdi.