İranın xarici işlər naziri Abbas Araqçi Pakistana qarşıdan gələn səfəri zamanı ABŞ prezidentinin elçisi Stiv Vitkov və ABŞ prezidentinin kürəkəni Cared Kuşnerlə görüşməyi planlaşdırmır. Bu barədə Tasnim xəbər agentliyi məlumat yayıb.
CNN əvvəllər ABŞ prezidenti Donald Trampın gələn həftəsonu Vitkoff və Kuşneri Əraqçi ilə danışıqlar aparmaq üçün Pakistana göndərəcəyini bildirmişdi.
İran xəbər agentliyinin məlumatına görə, İran xarici işlər nazirinin İslamabada səfəri ABŞ ilə danışıqlarla bağlı deyil, Pakistan tərəfi ilə ikitərəfli münasibətlər və regional inkişaflar üzrə məsləhətləşmələrlə bağlıdır. (Tass)