Rusiyanın artıq yalnız ordusu və donanmasından başqa daha çox müttəfiqi var; bunlara indi Aerokosmik Qüvvələr və pilotsuz hava qüvvələri daxildir. Rusiyanın xarici işlər naziri Sergey Lavrov bunu Rusiya İctimai Televiziyasına müsahibəsində bildirib.
“Rusiya İmperiyasının dövründən bəri bilirik ki, Rusiyanın yalnız iki müttəfiqi var: ordu və donanma. İndi bunlara aerokosmik qüvvələr də daxildir (onları nəzərdən qaçıra bilmərik). Həmçinin yeni pilotsuz uçuş aparatları qüvvələrimiz var. Beləliklə, daha çox müttəfiqimiz olacaq”, – deyə nazir qeyd edib.
“Min illik tariximizdən çıxan əsas nəticə ‘Allaha güvən, amma özün də tənbəllik etmə’dir. Və bu, çox vacibdir”, – deyə Lavrov vurğulayıb. (Tass)