Həmas və İsrailin razılaşdığı humanitar atəşkəs noyabrın 24-də, nəzərdə tutulduğundan bir gün sonra qüvvəyə minə bilər. Bu barədə “Al-Qahera Al-Ekhbariya” telekanalı məlumat yayıb.
Telekanal qeyd edib ki, humanitar atəşkəsin başlama vaxtı ilə bağlı ziddiyyətli məlumatlar var. Daha əvvəl bildirilib ki, danışıqlarda vasitəçilərdən biri olan Qətərin rəsmən açıqlamalı olduğu atəşkəs yerli vaxtla saat 10:00-da ( Bakı vaxtı ilə 12:00) qüvvəyə minə bilər. Lakin indiyə qədər Qətər Xarici İşlər Nazirliyi atəşkəsin başlama tarixinin “yaxın saatlarda” açıqlanacağını bildirib.
Əl-Qahira Əl-Ekhbariya-nın məlumatına görə, HƏMAS və İsrail arasında barışıq yalnız sabah səhər qüvvəyə minə bilər. (Tass)