Tisza Partiyasının lideri və tezliklə Macarıstanın baş naziri olacaq Peter Magyar polis, vergi orqanları və kommersiya banklarının rəhbərlərini ölkənin hazırkı rəhbərliyinə yaxın oliqarxların xaricə külli miqdarda pul çıxarmasının qarşısını almağa çağırıb. O, həmçinin Viktor Orbanın rəhbərlik etdiyi istefa verən hökuməti də oxşar addımlar atmağa və iclasında lazımi qərarlar qəbul etməyə çağırıb.
Magyar xatırladıb ki, aprelin 25-də bankların Baş nazir Antal Roqanın ofisi ilə əlaqəli “milyardlarla forint dəyərində” bir neçə şübhəli əməliyyatı dayandırdığını elan edib. “O vaxtdan bəri bir neçə ön adamın hesablarının da bloklandığı məlum olub”, – deyə o, Macarıstan televiziyasında yayımlanan videomüraciətdə bildirib.
Tisza lideri izah etdib ki, qanuna görə, Milli Vergi və Gömrük Administrasiyası (NAV) əməliyyatları yalnız üç-dörd gün müddətinə dayandıra və vəsaitləri dondura bilər. Daimi dondurma yalnız cinayət istintaqı və məhkəmə prosesi halında mümkün olacaq. “Buna görə də, NAV sədrini banklar tərəfindən bildirilən köçürmələrlə bağlı polis hesabatı təqdim etməyə çağırıram ki, istintaq orqanları istifadə edilən milyardların mənşəyini müəyyən edə bilsinlər”, – deyə Magyar bildirib. (Tass)