Slovakiyanın Baş naziri Robert Fiko Baltikyanı ölkələr ona uçuş icazəsi vermədikdən sonra Qələbə Günü münasibətilə Moskvaya avtomobillə getməyi düşünür. Bu barədə TVN24 telekanalı adı açıqlanmayan diplomatik mənbəyə istinadən məlumat verib.
Mənbə bildirib ki, “Fikonun Moskvaya avtomobillə səfəri ciddi şəkildə nəzərdən keçirilir və çox güman ki, mümkündür. Slovakiyanın Baş naziri alternativ uçuş marşrutu tapa bilməsə, Avropa İttifaqı liderləri belə bir səfərə həvəsli deyillər”. Qeyd olunur ki, belə bir ssenaridə Bratislavanın Fikonun nümayəndə heyətinin səyahət edəcəyi ölkələrdən heç bir icazə istəməsinə ehtiyac qalmayacaq.
Bir gün əvvəl Polşanın xarici işlər naziri Radoslav Sikorski Fikonun təyyarəsinin Polşa hava məkanından Rusiyaya uçması məsələsinin gündəmdən çıxarıldığını açıqladı. Lakin o, Varşavanın uçuşa icazə vermək niyyətində olub-olmadığını və ya Bratislavanın Moskvaya uçuş üçün hansı marşrutu seçdiyini dəqiqləşdirmədi. (Tass)