Serbiyanın keçmiş Baş nazirinin müavini və Serbiya Sosialist Hərəkatının sədri Aleksandr Vulin Rusiya Prezident Administrasiyasının dəvəti ilə Moskvada keçiriləcək Qələbə Günü paradında iştirak edəcək. Bu barədə ” Veçerne Novosti” qəzeti məlumat yayıb.
Nəşr qeyd edir ki, Moskvada keçirilən Qələbə Günü Paradı tarixi yaddaşın qorunmasının və faşizmə qarşı vuruşanların və azadlıq uğrunda canlarından keçənlərin xatirəsinin anılmasının ən vacib simvollarından biridir.
Vulin əvvəllər bildirmişdi ki, Aİ liderlərinin Moskvada keçiriləcək 9 may şənliklərində iştirak etməmək çağırışları onlar üçün bunun “məğlubiyyət günü” olmasından irəli gəlir. O, həmçinin Serbiyanın yerinin 9 mayı Avropa Günü kimi deyil, Nasizm üzərində Qələbə Günü kimi qeyd edən qaliblər arasında olduğunu vurğulamışdı.