Dekabrın 1-dən Çin hakimiyyəti Avropa İttifaqının beş üzvü (İspaniya, İtaliya, Hollandiya, Fransa və Almaniya) və Malayziya vətəndaşları üçün vizasız rejim tətbiq edir. Bu barədə Xarici İşlər Nazirliyinin rəsmi nümayəndəsi Mao Nin məlumat verib.
Onun müntəzəm brifinqdə aydınlaşdırdığı kimi, bu ölkələr üçün vizasız gediş-gəliş eksperimental əsasda 2024-cü il noyabrın 30-dək qüvvədə olacaq. “Çin intensiv inkişaf və yüksək səviyyəli açıqlığın qorunması naminə insanların ÇXR ilə xarici dünya arasında gediş-gəlişini asanlaşdırmaq üçün birtərəfli vizasız rejimin əhatə dairəsini genişləndirmək qərarına gəlib” deyə Mao Ninq izah edib.
Xarici İşlər Nazirliyinin rəsmi nümayəndəsi əlavə edib ki, sadalanan dövlətlərin nümayəndələri adi pasporta malik olmaqla, vizasız Çinə işgüzar və turistik səfərlər edə, 15 gün müddətində qohum və dostlarını ziyarət edə biləcəklər. (Tass)