İran hakimiyyəti BRICS daxilində parçalanma istəmir və qrupun sentyabr ayında Yeni Dehlidə keçiriləcək qarşıdan gələn sammitinin uğurla keçirilməsini və birgə bəyannamənin qəbul edilməsini müdafiə edir. Bu barədə İran xarici işlər nazirinin müavini Kazem Qəribabadi Hindistanın ANI xəbər agentliyinə verdiyi müsahibədə bildirib.
“Biz BRICS bəyannaməsinin qəbul edilməsini dəstəkləyirik. Hindistanın ev sahibliyi etdiyi BRICS sammitinin uğurlu olmasını istəyirik. BRICS-in bölündüyü təəssüratı yaratmaq istəmirik. İranın qonşularından yalnız biri İranı qonşularına qarşı iddia edilən hücumlarına görə qınayan bəndin daxil edilməsi üçün israrla çalışır”, – deyə o bildirib.
“Biz qonşu dövlətlərə hücum etmədik. Əksinə, onlar öz ərazilərini ABŞ-ın sərəncamına verdilər. Bu ərazilərdən İrana minlərlə zərbə endirildi. Biz hər belə hadisəni sənədləşdirdik, BMT-yə 500 səhifəlik material təqdim etdik. Biz buna dözə bilmərik”, – deyə Qəribabadi əlavə edib. (Tass )