Liviyanın iki güc mərkəzinin nümayəndələri, BMT missiyası və ABŞ-ın vasitəçiliyi ilə, dövlət sərhədlərinin birgə qorunması və hər iki tərəfin iştirakı ilə təhlükəsizlik koordinasiya mərkəzlərinin yaradılması sahəsində əməkdaşlığı gücləndirmək barədə razılığa gəliblər. Bu barədə ABŞ prezidentinin Afrika və Ərəb ölkələri üzrə baş müşaviri Massad Bulos bildirib.
Bulos X-də yazıb: “Koordinasiya Qrupu sərhəd təhlükəsizliyi sahəsində əməkdaşlığın gücləndirilməsi və Benqazi və Tripolidə yerləşən birgə sərhəd təhlükəsizliyi mərkəzlərinin fəaliyyətinin davam etdirilməsi tədbirləri barədə razılığa gəlib. Amerika Birləşmiş Ştatları Liviyanın birliyinin daha da gücləndirilməsini qətiyyətlə dəstəkləyir və bu istiqamətdə atılan mühüm addımlar aprel ayında [ABŞ-ın iştirakı ilə] Flintlock 2026 birgə hərbi təlimləri və ortaq milli büdcənin qəbul edilməsi olub”.
Bulos həmçinin qeyd edib ki, ortaq büdcə barədə razılaşmadan sonra hər iki Liviya hökuməti onu uğurla tətbiq etməyə başlayıb. O, vahid büdcənin xarici investisiyalar və Liviya neft ixracının artması üçün şərait yaradacağına inanır. (Tass)