2018-ci ildən Aİ-də “hərbi Şengen”in yaradılması üzrə işlər və “hərbi mobilliyin” artırılması layihələri həyata keçirilir, bu müddət ərzində Aİ büdcəsindən bu layihələrə ayrılan xərclər 330 milyon avrodan 660 milyon avroya qədər artırılıb. Avropa Komissiyasının nümayəndəsi Adalbert Yans məlumat verib.
Noyabrın 23-də NATO-nun Logistika Komandanlığının rəhbəri, general-leytenant Aleksandr Solfrank Reuters agentliyinə müsahibəsində Aİ-nin müxtəlif ölkələrindən icazələrin alınmasında yaranan çətinliklər səbəbindən qoşunların və hərbi yüklərin Avropa İttifaqı ərazisindən ötürülməsində əhəmiyyətli gecikmələr olduğunu qeyd edib. Bununla əlaqədar olaraq o, hərbi konvoyların sərbəst hərəkətini təmin edəcək “hərbi Şengen” sisteminin tətbiqinin tərəfdarıdır.
“Bu sahədə irəliləyişlə bağlı bütün məlumatları verə bilmərəm, amma xatırlada bilərəm ki, işlər davam edir, 2018-ci ildən bu istiqamətdə çox işlər görülüb, bir sıra layihələr artıq həyata keçirilib və biz hərbi mobillik üçün maliyyəni artırmışıq. Aİ-də 330 milyon avrodan 660 milyon avroya qədər,” Jans cavabında bildirib.
Öz növbəsində, Avropa Komissiyasının mətbuat xidmətinin rəhbəri Erik Mamer vurğulamışdır ki, Avropa Komissiyası bu mövzuda “NATO-nun baş katibi Yens Stoltenberq ilə sıx əlaqələr saxlayır” və hərbi mobillik layihələri Avropa Komissiyasının səylərinin bir hissəsidir. (Tass)