ABŞ prezidenti Donald Tramp Çin prezidenti Si Cinpinə ABŞ, Çin və Rusiyanın Beynəlxalq Cinayət Məhkəməsinə (ICC) qarşı çıxmaq üçün bir araya gəlməsini təklif edib. Bu barədə “Financial Times ” (FT) qəzeti iki liderin danışıqlarının təfərrüatları ilə tanış olan mənbələrə istinadən məlumat yayıb.
Nəşrin məlumatına görə, ABŞ prezidenti bu yaxınlarda Çinə səfəri zamanı bu məsələ ilə bağlı əməkdaşlıqdan bəhs edib və guya üç ölkənin Beynəlxalq Cinayət Məhkəməsi ilə bağlı maraqlarının üst-üstə düşdüyünü əlavə edib.
Ağ Ev bu məlumatla bağlı qəzetə şərh verməkdən imtina edib. Lakin məqalədə qeyd edildiyi kimi, Vaşinqton əvvəllər Beynəlxalq Cinayət Məhkəməsini sərt tənqid edərək, onu siyasiləşdirməkdə, səlahiyyətlərindən sui-istifadə etməkdə və ABŞ suverenliyini pozmaqda ittiham edib.
Nəşr Pekinin bu məsələ ilə bağlı rəsmi mövqeyini təqdim etmir. (Tass)