İsrail Qəzza zolağında humanitar fasilə başa çatdıqdan sonra HƏMAS məhv edilənə və bütün girovlar azad edilənə qədər tam hərbi güclə fəaliyyətini davam etdirəcək. İsrail Müdafiə Nazirliyinin mətbuat xidməti xəbər verir ki, bu sözləri Yəhudi Dövlətinin müdafiə naziri Yoav Qalant italiyalı həmkarına deyib.
“Qısa bir fasilə olacaq, bundan sonra biz tam hərbi gücümüzlə hərəkətə davam edəcəyik. Məqsədlərimizə çatana qədər dayanmayacağıq: Həmas məhv edilsin və Qəzzadan İsrailə 240 girov qaytarılsın”, – mətbuat xidməti Qalantın açıqlamasını yayıb. (Tass)