Rusiya-Çin danışıqlarından sonra Rusiya Prezidenti Vladimir Putin və Çin Prezidenti Si Cinpin Çoxqütblü Dünyanın və Yeni Tipli Beynəlxalq Münasibətlərin Qurulması haqqında Bəyannamə qəbul etdilər.
Daha əvvəl prezidentin köməkçisi Yuri Uşakov jurnalistlərlə söhbətində bu sənədi konseptual adlandırmışdı.
Liderlər həmçinin hərtərəfli tərəfdaşlıq və strateji qarşılıqlı əlaqələrin daha da gücləndirilməsi, eləcə də mehriban qonşuluq, dostluq və əməkdaşlıq münasibətlərinin dərinləşdirilməsi barədə Birgə Bəyanat imzalayıblar. Uşakovun sözlərinə görə, bu, Rusiya və Çin arasında çoxşaxəli ikitərəfli münasibətlərin bütün spektrinin əsas inkişaf yollarını, beynəlxalq gündəmdəki aktual məsələlərə dair aydın ortaq baxışı və qlobal məsələlərdə əməkdaşlığın əsas formatlarını müəyyən edən hərtərəfli siyasət sənədidir.